Blog Layout
20. september 2021

Eimur og Orkídea hljóta styrk úr matvælasjóði.

Systurverkefnin Eimur og Orkídea hlutu í liðinni viku 3 milljóna króna styrk úr Matvælasjóði til að framkvæma hagkvæmnisathugun á uppsetningu frostþurrkunarvers á Íslandi.

Frostþurrkun er vannýtt verkunaraðferð. Aðferðin varðveitir bragð, áferð og lit matvæla mun betur en hitaþurrkun og geymsluþol er margfalt samanborið við frystingu. Aðferðin er hinsvegar dýr, enda er hún orkufrek, því hún krefst lofttæmingar. Í dag er skortur á framboði á stærri tækjum hérlendis til framleiðslu. Nokkrir smáframleiðendur matvæla á Íslandi senda hráefni erlendis til frostþurrkunar og fá það svo aftur til pökkunar og sölu.

Í verkefninu verður gerð hagkvæmnisathugun á því að reisa frostþurrkunarver á Íslandi og kanna áhuga innlendra aðila á því að bjóða eða nýta sér slíka þjónustu. Markmiðið er unnt verði í framtíðinni hægt að bjóða hérlendis uppá frostþurrkun sem gengur fyrir grænni orku sem sparar innlendum framleiðendum tíma, peninga og kolefnisspor. Jafnframt viljum við, í samstarfi við áhugasama aðila, opna fyrir tækifæri fyrir smærri aðila til vöruþróunar með aðferðinni, og stuðla þannig að nýsköpun og verðmætasköpun  í matvælaframleiðslu á Íslandi.

Deila frétt

Frábær þátttaka á upphafsfundi ICEWATER

2. apríl 2025
Um 80 manns tóku þátt í fyrsta fundi í ICEWATER verkefninu, sem haldinn var dagana 24. og 25. mars 2025 í húsnæði Orkuveitu Reykjavíkur í Elliðaárdalnum. Fundurinn markaði upphaf þessa metnaðarfulla verkefnis, sem miðar að því að flýta fyrir og bæta innleiðingu vatnaáætlunar á Íslandi.

Vefþing um orkuskipti smábáta í sjávarútvegi

Eftir Kolfinna María Níelsdóttir • 21. mars 2025
Eimur og Vestfjarðastofa bjóða til vefþings, fimmtudaginn 3. apríl næstkomandi, þar sem fjallað verður um áskoranir og tækifæri við orkuskipti smábátaflotans. Hvað þarf til að orkuskipti smábáta verði að veruleika? Hvaða endurnýjanlegu orkugjafar verða í boði til notkunar á sjó? Hvaða reglur um haffærni rafmagnsbáta munu gilda? Sérfræðingar, hagsmunaaðilar og sjómenn munu ræða þessi og önnur mikilvæg mál eins og kostnað, hreinorkuívilnanir og áhrif breytinganna á byggðaþróun og samfélag. Þátttaka er öllum opin en til að fá fundarboð þarf að skrá sig. Smelltu hér til að skrá þig Dagskrá *Birt með fyrirvara um breytingar Hluti I: Tæknilausnir í farvatninu 13:00 – „Stefna stjórnvalda og orkuskipti smábáta“, Jóhann Páll Jóhannsson, Umhverfis-, orku- og loftlagsráðherra. 13:20 – „Rafmagns og tengiltvinnlausnir í smábátum”, Kolbeinn Óttarsson Proppé, stofnandi Grænafls. 13:40 – „Nýsmíði rafmagnsbáta,tækifæri og áskoranir“, Jónas Ingi Pétursson, Þrym. 14:00 – „Takmarkandi þættir þegar kemur að orkuskiptum smábáta”, Tinna Rún Snorradóttir, rannsókna- og þróunarstjóri Bláma. Kaffihlé – 10 mín Hluti II: Samfélag og orkuskipti smábáta 14.30 – „Öryggiskröfur rafbáta og leyfismál þeirra“, Ingólfur Örn Þorbjörnsson, sérfræðingur á Samgöngustofu. 14.50 – „Áskoranir fyrir hafnir vegna orkuskipta smábáta“, Gyða Mjöll Ingólfsdóttir, umhverfisstjóri Faxaflóahafna. 15:10 – „Orkuskipti smábáta út frá sjónarhóli smábátasjómanna“, Einar Helgason, formaður félags strandveiðisjómann á sunnanverðum Vestfjörðum. 15:30 – „Líklegar/hugsanlegar breytingar á Byggðamynstri samfara orkuskiptum í sjávarútvegi“, Dr. Catherine Chambers, rannsóknarstjóri hjá Stofnun Vilhjálms Stefánssonar. 15:50 - 16:10 - Pallborðsumræður fyrirlesara undir stjórn Ottós Elíassonar, framkvæmdastjóra hjá Eimi.
Eimur hlaut nýverið styrk úr Orkurannsóknasjóði Landsvirkjunar

Sjálfbær nýting hauggas í Stekkjarvík

20. mars 2025
Hauggas frá urðunarstöðum? Hvað er það og hvernig getum við búið til einhver verðmæti úr gasinu sem nýtist nærsamfélaginu?
Share by: