17. maí 2022

Nýsköpunarvikan 2022 - Fyrsta vetnisgrill á Íslandi

Eimur, Blámi og Orkídea stóðu fyrir tímamótaviðburð á setningardegi Nýsköpunarvikunnar 2022, þegar systraverkefnin grilluðu í fyrsta sinn með vetni hér á landi. Um 300 manns sóttu viðburðinn við Hugmyndarhúsið Grósku í Höfuðborginni í sól og blíðu þar sem boðið var uppá íslenskt vetnisgrillað grænmeti. 

Áslaug Arna Sigurbjörnsdóttir, háskóla-, iðnaðar-, og nýsköpunarráðherra var á meðal gesta og þökkum við henni öðrum góðum gestum kærlega fyrir komuna.

Nýsköpunarvikan (Iceland Innovation Week) stendur yfir dagana 16.- 20. maí 2022. Nýsköpunarvikan er hátíð þar sem fyrirtækjum og frumkvöðlum gefst kostur á að standa fyrir nýsköpunartengdum viðburðum þar sem spennandi sóknarfæri og frjóar hugmyndir geta sprottið upp. Hátíðin inniheldur fjölbreytta og áhugaverða viðburði í raunheimum og í gegnum netið. 

 

      

Deila frétt

Skráning hafin á Akureyri Energy Seminar í Hofi

Eftir Kolfinna María Níelsdóttir • 10. apríl 2025
RECET verkefnið og Net Zero Islands Network standa fyrir þessum viðburði, þar sem sérfræðingar, stefnumótendur og hagsmunaaðilar koma saman til að ræða og stuðla að orkuskiptum á eyjum og í dreifðum byggðum. Ráðstefnan er einstakt tækifæri til að miðla þekkingu, skoða nýjar lausnir og efla tengslanet. Dagskráin samanstendur af framsöguerindum og umræðum sem miða að því að styðja við sjálfbæra þróun og grænna samfélag. Ókeypis er á ráðstefnuna sem fer einnig fram í streymi - skráning fer fram hér: https://www.recetproject.eu/events/akureyrienergyseminar Um RECET: RECET (Rural Europe for the Clean Energy Transition) er samstarfsverkefni fimm landa og tuga sveitarfélaga um alla Evrópu, með Ísland í fararbroddi. Verkefnið miðar að því að efla getu sveitarfélaga í dreifðum byggðum í Evrópu og atvinnulífsins til að takast á við orkuskipti og smíða orkuskiptaáætlanir fyrir svæðin. RECET er styrkt af LIFE styrktaráætlun Evrópusambandsins sem leggur áherslu á umhverfis- og loftslagsmál. Um Net Zero Islands Network: Net Zero Islands Network gegnir lykilhlutverki í þróun grænna og sjálfbærra orkulausna fyrir eyjar og afskekkt svæði. Markmið netsins er meðal annars að auðvelda miðlun þekkingar milli eyja og afskekktra svæða, skapa fleiri atvinnutækifæri og kanna möguleika á kolefnisneikvæðum lausnum. Norræna orkurannsóknarstofnunin (Nordic Energy Research) hefur umsjón með verkefninu. 

Samstarf og sjálfbærni í Sligo – Upphaf Nordic Bridge verkefnisins

9. apríl 2025
Nýtt evrópskt samstarf um nýsköpun og þekkingarmiðlun

Frábær þátttaka á upphafsfundi ICEWATER

2. apríl 2025
Um 80 manns tóku þátt í fyrsta fundi í ICEWATER verkefninu, sem haldinn var dagana 24. og 25. mars 2025 í húsnæði Orkuveitu Reykjavíkur í Elliðaárdalnum. Fundurinn markaði upphaf þessa metnaðarfulla verkefnis, sem miðar að því að flýta fyrir og bæta innleiðingu vatnaáætlunar á Íslandi.